Dodo pıtstserııalar jelisi quziretin Qazaqstanǵa aýystyrady

Reseılik Dodo pıtstserııalar jelisi ıýrısdıktsııasyn brıtanııalyq Vırgın araldarynan «Astana» halyqaralyq qarjy ortalyǵyna aýystyrýǵa nıetti, dep habarlaıdy Kazinform.

«2023 jyly 15 jeltoqsanda bizdiń dırektorlar keńesi holdıngtik kompanııany brıtanııalyq Vırgın araldarynan Qazaqstandaǵy «Astana» halyqaralyq qarjy ortalyǵyna redomılıatsııalaýdy maquldaǵanyn habarlaǵymyz keledi. Osy sheshimdi bekitý maqsatynda 2024 jyly 10-26 qańtar aralyǵynda aktsıonerlerdiń syrttaı daýys berý sharasy ótkiziledi. Daýys jınaýǵa arnalǵan forma árbir daýys berýshi qatysýshyǵa jeke-jeke jiberiledi», - dep jazdy kompanııanyń qarjy dırektory Lına Naýmova telegram-kanalda.