Dinmuhammed Qasymbek erkin kúresten álem chempıonatynda qola medal aldy
ASTANA. KAZINFORM - Grekııa astanasy Afıny qalasynda ótip jatqan erkin kúresten 17 jasqa deıingi jasóspirimder arasyndaǵy álem chempıonatynda Dinmuhammed Qasymbek (80 keli) qola júldeger atandy.
Aıta ketsek, budan buryn Jańajol Qýanyshbek (45 keli) Grekııa astanasy Afıny qalasynda grek-rım kúresinen 17 jasqa deıingi jasóspirimder arasynda álem chempıonatynda top jardy.
Oǵan qosa el quramasynan Nurdáýlet Kumaruly (48 keli), Asqar Nurálı (55 keli) kúmis júldeger atansa, Dosbol Shamıl (65 keli) qola medal ıesi boldy.
Al áıelder kúresinen Madhııa Ýsmanova (57 keli) chempıon atansa, Іnjý Baqqoja (40 keli) men Shahızada Daýletjan (69 keli) úzdik úshtikten kórindi.
Sondaı-aq grek-rım kúresinen Qazaqstan quramasynyń sportshylary Varshavada ótip jatqan halyqaralyq týrnırde eki júldege ıe boldy.
Baqytjan Qabdyl kúmis júldeger atansa,Saıfýlla Qurman, Dıas Qaltaı (82 kelige deıin) men Erzat Erlanov (97 kelige deıin) úshinshi orynǵa ıe bolǵan edi.
