Dinmuhammed Aıdarbek Fujairah Open týrnıriniń jeńimpazy atandy

ASTANA. KAZINFORM – Birikken Arab Ámirlikteriniń Fýdjeıra qalasynda ótip jatqan karateden jastar arasynda A serııasyndaǵy jarysta Qazaqstan komandasynyń júlde sany úshke jetti, dep habarlaıdy Qazaqstan karate federatsııasynyń baspasóz qyzmeti.

Дінмұхаммед Айдарбек
Фото: Қазақстанның каратэ федерациясы

Jarystyń 2-kúni kýmıte baǵdarlamasynda Dinmuhammed Aıdarbek 16-17 jas sanatynda 55 kg deıingi salmaqta qarsylas shaq keltirmeı chempıon atandy. Ol tatamıde 6 jekpe-jek ótkizdi. Alǵashqy kezeńde Malta, sosyn AQSh ókilin aıqyn basymdyqpen utty. Toptyq kezeńde taǵy 2 qazaq sportshysynan, keıin ıordanııalyqtan aılasyn asyrdy. Fınalda ózbek karateshisin utty.

Sondaı-aq Gúlnur Qoıshybaı (U16-17) 59 kg deıingi salmaqta chehııalyq qarsylasyn utyp, qola júldege ıe boldy.

Qazir Qazaqstan komandasynda júlde sany úshke jetti. Keshe Aqnıet Sherızat U21 sanatynda (55 kg) qola júldege qol jetkizgen edi.

Fýdjeıradaǵy bul jarys erteń aıaqtalady. Barlyǵy osy jyly 87 memleketten 2400-ge jýyq sportshy qatysýda.

Osyǵan deıin qazaq karateshileriniń Fýdjeıradaǵy jarysqa attanǵanyn jazǵan bolatynbyz.

 

Сейчас читают