Dinmuhambet Súleımenov «Taraz-Omega» fýtzal klýbyna bas bapker boldy
ASTANA. KAZINFORM – Qazaqstandyq Dinmuhambet Súleımenov «Taraz-Omega» fýtzal klýbynyń bas bapkeri qyzmetine taǵaıyndaldy.
Otandyq maman 1981 jyly dúnıege kelgen. Kásibı mansabynda 20 jyldan astam ýaqyt boıy elimizdiń túrli klýbtarynda oınady. Onyń ishinde 10 jylǵa jýyq almatylyq «Qaırat» komandasynyń namysyn qorǵady.
Dinmuhambet Súleımenov – Eýropa chempıonatynyń qola júldegeri. Sondaı-aq ol eki márte UEFA kýbogynyń jeńimpazy atanǵan.
Tanymal fýtzalshy Qazaqstannyń 9 dúrkin chempıony jáne úsh márte kúmis jáne qola medal ıegeri boldy.
2022 jyly oıynshy mansabyn aıaqtaǵannan keıin bapkerlik qyzmetke keldi. Búginge deıin ol aqtaýlyq «Kaspıı» klýbyna jetekshilik etti.
Eske salsaq, budan buryn Shyńǵys Esenamanov fýtzaldan Qazaqstan quramasyndaǵy mansabyn aıaqtady.