DNK-testi Adolf Gıtlerdiń shyqqan tegin anyqtap berdi
ASTANA. Tamyzdyń 24-i. QazAqparat - Adolf Gıtlerdiń 39 týysqanynyń silekeı úlgilerin zertteý onyń DNK-synyń Balkan túbeginiń turǵyndary men hamıt-semıt tilderin paıdalanýshylar arasynda baıqalatyn E1b1b1 gaplotobyna jatatynyn kórsetti, dep habarlaıdy The Daily Telegraph.
Osy nemese ózge de gaplotopqa tıesililigi ony qoldanýshynyń etnıkalyq shyǵý tegin anyqtap bermese de, adamnyń shyǵý tegin onyń ata-analarynyń biriniń jelisi arqyly anyqtaýǵa múmkindik beredi eken. Bul oraıda Y-DNK gaplotoby, erkekterdiń shyǵý tegi jelisi týraly bolyp otyr.
Zertteý jumystaryn jýrnalıst Jan-Pol Mıýlder (Jean-Paul Mulders) men tarıhshy Mark Vermıren (Marc Vermeerem) júrgizdi, onyń nátıjeleri belgııalyq Knack jýrnalynda jarııalanym kórdi.
The Daily Telegraph habarlap otyrǵandaı, E1b1b1 gaplotoby semıt tobyndaǵy ashkenaz-evreılerde kóp taralǵan, olarǵa eýropalyq evreılerdiń kóp bóligi, onyń ishinde sefard-evreıler de jatqyzylady. Sondaı-aq, atalmysh gaplotop Ońtústik Afrıka halqy men shyǵys slavıandarda da kórinis beredi.
Atap óte ketý kerek, negizin qalap, sonyń naǵyz ustanýshysy Gıtler bolǵan ultshyl-sotsıalızm ıdeologııasy semıt jáne slavıan halyqtaryn «las» halyqtar qataryna jatqyzyp, al Germanııany evreılerden tazartý Gıtler saıasatynyń negizgi bólimderiniń biri boldy. Adolf Gıtlerde evreıdiń qany bar ekendigi týraly sybys sózder buryndary da aıtylyp júrgen edi. Máselen, nemis dıktatorynyń ákesi Aloıs Gıtlerdiń bıologııalyq ákesi evreı bankıriniń uly bolýy múmkin degen de sóz bar. Biraq bul boljam óziniń shynaıy naqtylaýyn alǵan joq.
Adolf Gıtler 1945 jylǵy sáýirdiń 30-ynda kapıtýlıatsııaǵa az ǵana ýaqyt qalǵanda ózine ózi qol salǵan edi. Onyń qańqasynyń bir bóligi osy kúnge deıin Reseıde saqtalyp jatyr dep esepteledi, biraq onyń túpnusqasynyń rastyǵy kúmán týǵyzyp otyr.
