DNQ saraptamasynan «áke» bolǵandyǵy anyqtalǵan almatylyq jigit alıment tóleıtin boldy
ALMATY. QazAqparat - DNQ saraptamasynan «áke» bolǵandyǵy anyqtalǵan almatylyq jigit alıment tóleıtin boldy. Úkimdi Túrksib aýdandyq sotynyń sýdıasy shyǵardy.
Qalalyq sottyń baspasóz qyzmeti habarlaǵandaı, kelinshek 2010 jyly týǵan balasynyń ákesi alıment tólemeı qashyp júrgendigin aıtyp shaǵymdanǵan.
Olar 3 aı azamattyq nekede turǵan. 2010 jyly kelinshek bosanǵan. Balanyń jasy qazir 7-de. Osy ýaqyt aralyǵynda er adam balasyna múlde kómek kórsetpegen. Tipti óziniń balanyń ákesi ekendigin moıyndamaǵan.
Muny eskergen sot DNQ saraptamasyn taǵaıyndaýǵa sheshim shyǵardy.
Saraptama qorytyndysy jaýapty adamnyń balaǵa bıologııalyq áke bop tabylatynyn rastady.
Sot sheshimimen jaýapty tulǵa bala 18 jasqa jetkenshe barlyq tabysynyń 1/4-in berip otyratyn boldy.
