DNQ saraptamasynyń arqasynda 1990 jyldardaǵy kisi óltirý derekteri áshkere boldy
ASTANA. KAZINFORM — Jyl basynan beri ashylmaǵan asa aýyr qylmystyq ister zerdelendi. Olardyń kóbi 1990 jyldary jáne 2000 jyldardyń basynda tirkelgen, dep habarlaıdy Polisia.kz.
Búginde mundaı qylmystar zamanaýı tehnologııalardyń kómegimen ashylyp jatyr. Mınıstrlik bazasynda molekýlalyq-genetıkalyq zerthana jumys isteıdi. Ár sala boıynsha tsıfrlyq sheshimder qarqyndy damyp keledi.
Júrgizilip jatqan keshendi sharalardyń nátıjesinde bıyl buryn jasalǵan ondaǵan aýyr jáne asa aýyr qylmys ashyldy. Jınaqtalǵan aıǵaqtar negizinde kúdiktiler óz kinálaryn moıyndap jatyr. Mysaly, Pavlodar jáne Qaraǵandy oblystarynda ótken jyldardaǵy qylmys sanatynan adam óltirý derekteri ashyldy.
— DNQ-saraptamasy negizgi ról atqardy. Qazir qylmyskerler sot sheshimin kútip otyr. Ótken jyldardaǵy qylmystardy ashý erekshe baqylaýda, — dedi ІІM jedel-krımınalıstıkalyq departamentiniń bastyǵy Sergeı Stıheev.
ІІM baspasóz qyzmeti atap ótkendeı, árbir ashylǵan qylmys — ádildiktiń aıǵaǵy, jazanyń bultartpastyǵy qaǵıdatynyń aıqyn oryndalýy. Ýaqyt qylmyskerlerge qorǵan emes. Zańdy óreskel buzǵan árbir adam erte me, kesh pe anyqtalyp, jaýapqa tartylady.
Buǵan deıin 2017 jyly joǵalǵan azamattyń jeke basy DNQ arqyly anyqtalǵanyn jazǵanbyz.
