DNQ negizinde jasalǵan alǵashqy koronavırýs vaktsınasy shuǵyl qoldanýǵa daıyn

NЬıÝ-DELI. QazAqparat – Úndistannyń Dári-dármekter jónindegi (DCGI) Bas baqylaýshysy juma kúni koronavırýsqa qarsy ZyCoV-D Zydus Cadila vaktsınasyn shuǵyl qoldanýǵa ruqsatyn berdi. Úndistannyń Ǵylym jáne tehnologııalar mınıstrliginiń málimdeýinshe, DNQ negizinde jasalǵan álemdegi alǵashqy koronavırýs vaktsınasyn eresekterge jáne 12 jastan asqan balalarǵa salýǵa bolady, dep habarlaıdy QazAqparat India TV News Desk-qa silteme jasap.

28 myń erikti qatysqan ІІІ klınıkalyq synaqtyń aralyq qorytyndysy PTR-dyń oń nátıjesi bar jaǵdaıda bastapqy tıimdiligi 66,6%-ǵa jetkenin kórsetti. Qazirgi kezde bul Úndistanda COVID-19 vırýsyna qarsy vaktsınanyń eń úlken synaǵy. Bul vaktsına buryn ótkizilgen І/ІІ synaq kezinde óziniń ımmýnogendigin, tózimdiligi jáne qaýipsizdigi turaqty ekenin kórsetti. І/ІІ jáne ІІІ klınıkalyq synaqty Málimetter qaýipsizdigine monıtorıng jasaý táýelsiz keńesi (DSMB) qadaǵalaǵan.

1 shildede shtab páteri Ahmedabadta ornalasqan iri DCGI farmatsevtıka kompanııasy vaktsınany shuǵyl paıdalanýǵa ruqsat alý úshin ótinim jibergen. Kompanııa vaktsınany qazirgi kezde Úndistannyń 50-den astam ortalyǵynda iri klınıkalyq synaqtan ótkizgenin málimdedi.

Endi ZyCoV-D – elde qoldanýǵa ruqsat etilgen altynshy vaktsına. Úndistanda Serum Institute-tiń Covishield, Bharat Biotech-tiń Covaxin, reseılik Sputnik V, amerıkandyq Moderna jáne Johnson and Johnson vaktsınalary qoldanylyp keledi.

Plazmıda DNQ negizinde ázirlengen ZyCoV-D vaktsınasyn teri astyna ınesiz ınektordyń kómegimen salǵan jón.

Zydus Group tóraǵasy Pankadj R. Patel (Pankaj R Patel) olardyń «qaýipsiz, tózimdiligi jaqsy ári tıimdi vaktsınany» shyǵara alǵanyna dán rızashylyǵyn bildirdi.

«Osyndaı sheshýshi kezeńde jáne barlyq problemaǵa qaramastan álemde koronavırýsqa qarsy alǵashqy DNK-vaktsınasyn shyǵarý – úndistan zertteýshi ǵalymdarynń eńbegi jáne olardyń jańashyldyq rýhy», - dedi ol.