Dinı alaýyzdyqty qozdyrdy: Jeti jyl buryn elden qashqan kúdikti Reseıden qaıtaryldy
ASTANA. KAZINFORM — Qazaqstan men Reseı quqyq qorǵaý organdary ótkizgen birlesken is-shara nátıjesinde dinı alaýyzdyqty qozdyrǵany úshin izdeýde júrgen Qazaqstan azamaty Reseıden qaıtaryldy.
Kúdikti 2016-2017 jyldary Almaty qalasynda birneshe ret dinı alaýyzdyqty qozdyrýǵa, azamattardyń dinı sezimin qorlaýǵa, azamattardyń dinge degen kózqarasy negizinde olardyń eksklıýzıvtiligin, artyqshylyǵyn jáne kemistigin nasıhattaýǵa baǵyttalǵan áreketter jasaǵan.
Bul qylmystyń ózge de qatysýshylary ártúrli jaýaptylyqqa tartyldy, al kúdikti qylmys jasaǵannan keıin boı tasalap, halyqaralyq izdeýge jarııalandy.
Osydan keıin 2017 jyly kúdikti Máskeýde qaraqshylyq jasap, sottalǵan.
Reseıde jazasyn ótegennen keıin atalǵan adam qylmystyq jaýapkershilikke tartý úshin Qazaqstanǵa qaıtaryldy.
Qazirgi ýaqytta kúdikti tergeý ızolıatoryna qamalǵan.
Atalǵan qylmysty jasaǵany úshin bes jyldan on jylǵa deıingi merzimge bas bostandyǵynan aıyrý jazasy qarastyrylǵan.
