Dinı alaýyzdyq týdyrǵan qostanaılyq 7 jylǵa sottaldy
Qostanaı qalasynyń turǵyny dinı alaýyzdyq týdyrǵany úshin 7 jylǵa sottaldy, dep habarlaıdy QazAqparat.
Ulttyq qaýipsizdik komıteti terrorızmdi nasıhattaý jáne dinı alaýyzdyqty qozdyrý faktisi boıynsha Qostanaı qalasynyń turǵynyna qatysty qylmystyq isti tergep-tekserýdi aıaqtady.
"Qostanaı oblysynyń B.Maılın atyndaǵy aýdandyq soty ony atalǵan qylmystardy jasaǵany úshin kináli dep tanyp, 7 jylǵa bas bostandyǵynan aıyrýǵa jazalady.
Sottalǵan dinı-ekstremıstik sıpattaǵy beıne rolıkterdi, teraktilerdiń jáne kepilge alynǵan adamdardy ólimge kesý kórinisin, sondaı-aq halyqaralyq terrorıstik uıymdardyń sımvolıkasyn ınternettiń áleýmettik jelilerinde jarııalaǵan", - dep jazdy UQK baspasóz qyzmetinen.
Sotqa deıingi tergep-tekserý barysynda onyń kinási tolyqtaı dáleldendi.
2023 jylǵy 20 qyrkúıekte úkim zańdy kúshine endi.