Dinge qatysty daý: Eıfel munarasynyń basshysy qyzmetinen ketedi
ASTANA. KAZINFORM – Parıjdegi Eıfel munarasyn basqaratyn SETE kompanııasynyń dırektory Patrık Branko Rývıo qyzmetinen ketetinin málimdedi. Buǵan ındýıstik dinı tobynyń ókilderi kelgen kezde áıel qyzmetkerlerdi jumys oryndarynan ketýge májbúrleýge qatysty daý sebep boldy, dep habarlaıdy VVS.
SETE Rývıonyń kompanııany 2018 jyldan beri basqaryp kelgenin jáne jyl sońynda qyzmetinen ketetinin habarlady. Іshki tekserý barysynda kelýshilerge qyzmet kórsetý kezinde áıelderdi jumys oryndarynan shettetýge jol berilgeni anyqtalǵan. Kompanııa mundaı áreketti «jol berilmeıtin jaǵdaı» dep baǵalady.
Oqıǵa qyrkúıektiń basynda shamamen 100 adamnan turatyn ındýıstik BAPS dinı qozǵalysynyń delegatsııasy Eıfel munarasyna barǵan kezde bolǵan. BAPS ókilderi sapar kezinde áıeldermen baılanysty barynsha azaıtýdy suraǵan.
Osydan keıin munara qyzmetkerleri narazylyq retinde ereýilge shyǵyp, nysan ýaqytsha jabyldy. Kásipodaq ókilderi áıel qyzmetkerlerdiń ózin qorlanǵandaı sezingenin aıtty.
Frantsııa Ulttyq jınalysynyń tóraıymy ıAel Braýn-Pıve áıelderdi sheteldik qonaqtardyń talabyn oryndaý úshin jumys oryndarynan ketirýge bolmaıtynyn málimdedi. Parıj meri Emmanıýel Gregýar bul sheshimdi «absýrd, ádiletsiz jáne jol berilmeıtin» dep atap, eki bólek tekserý júrgizýdi tapsyrdy.
SETE basqarma tóraǵasy Arıel Veıl kompanııada genderlik teńdik boıynsha qosymsha oqytý baǵdarlamalary engiziletinin aıtty.
BAPS uıymy bolǵan jaǵdaıǵa baılanysty keshirim surap, «ózara qurmet pen qoǵamǵa qyzmet etý sııaqty ámbebap qundylyqtardy» ustanatynyn málimdedi.
BAPS erler men áıelderdiń bólek bolýy áıelderdiń ıgiligi úshin qajet dep sanaıdy. Alaıda synshylar qazirgi qoǵamda dinı dástúrge baılanysty áıelderdi belgili bir oryndardan shettetý kemsitýshilikke ákeletinin alǵa tartady.
Aıta keteıik, belgili ımam Nurlan Baıjigituly toıda erler men áıelderdiń bólek otyrýy dindarlyq emes ekenin túsindirdi.
