Dnepropetrovskide Brejnevke eskertkish ornatý usynyldy
ASTANA. 1 naýryz. QazAqparat - Ýkraına kompartııasynyń ókilderi Dnepropetrovskide keńestik basshylar Leonıd Brejnev pen Vladımır Şerbıtskııge eskertkish ornatýdy usyndy, dep habarlady «Interfaks.
Kommýnıster Dnepropetrov oblysynyń 80 jyldyǵyn osyndaı tartýmen qarsy almaq.
«Bul adamdar eshkimge jamandyq jasaǵan joq. Olar bizdiń qalamyzda ómiri súrdi jáne jumys jasady, kórnekti saıası qaıratkerler bolyp shyqty», dep málim etti Ýkraına KP oblystyq bólimshesiniń jetekshisi Sergeı Hrapov. Ol qala turǵyndarynyń kópshiligi bul bastamany qoldaıdy degen pikirde.
Taıaý arada kommýnıster eskertkishterge qarjy jınaýdy bastamaq. Hrapovtyń aıtýynsha, jobamen jumys qazirdiń ózinde bastalyp ketken. Eger kommýnıster ókimet oryndarymen mámilege kele alsa, oblystyq bıýdjetten de qarjy bóldirýge úmitti.
Buǵan deıin Dnepropetrovskiniń qalalyq keńesi kóshelerdiń birine Leonıd Brejnevtiń esimin bergen bolatyn.
Leonıd Brejnev pen Vladıımr Şerbıtskıı osy óńirdiń týmasy. Ekeý de kezinde osy oblystyń partııa uıymyn basqarǵan. Keıinnen L.I.Brejnev SOKP Ortalyq Komıtetiniń Bas hatshysy boldy, al V.Şerbıtskıı Ýkraına KP Ortalyq Komıtetiniń birinshi hatshysy qyzmetinde boldy.
