Dinder sezi: Prezıdent Toqaev qatysýshylarǵa memlekettik nagradalar tabys etti
ASTANA. KAZINFORM — Álemdik jáne dástúrli dinder kóshbasshylarynyń sezinde Qasym-Jomart Toqaev forýmnyń bir top qatysýshylaryna memlekettik nagradalardy, Dinaralyq dıalogqa qosqan úlesi úshin Astana halyqaralyq syılyǵyn, Sezdiń qurmet medalin, sondaı-aq Іzgi nıet elshileriniń aıryqsha belgisin tabystady, dep habarlaıdy Aqordanyń baspasóz qyzmeti.
ІІ dárejeli «Dostyq» ordenimen Dúnıejúzilik daoshylar federatsııasynyń tóraǵasy (QHR) Lı Gýanfý, Somaiya Vidyavihar ýnıversıtetiniń prezıdenti (Úndistan) Samır Shantılal Somaııa; «Shapaǵat» medalimen Iran Islam Respýblıkasynyń Islam mádenıeti jáne baılanystary uıymynyń prezıdenti Mýhammad Mehdı Imanıpýr marapattaldy.
Sonymen qatar dinaralyq dıalogqa qosqan úlesi úshin Astana halyqaralyq syılyǵy BUU Bas hatshysynyń orynbasary, BUU Órkenıetter alıansy jónindegi joǵary ókili, BUU ıslam fobııasymen kúres jónindegi arnaýly ókili Mıgel Anhel Moratınosqa berildi.
Álemdik jáne dástúrli dinder kóshbasshylary seziniń qurmet medalimen:
1. Mysyr Arab Respýblıkasynyń bas múftıi Nazır Muhammed Aıad;
2. Tatarstan Respýblıkasy Musylmandar dinı basqarmasynyń tóraǵasy Kamıl Samıgýllın;
3. Tájikstan Respýblıkasy Ýlemder keńesiniń tóraǵasy Saıdmýkarram Abdýkodırzoda;
4. Qasıetti Taqtyń Dinaralyq dıalog dıkasterııasynyń prefekti Djordj Djeıkob Kývakad;
5. Mınsk jáne Zaslavl mıtropolıti, búkil Belarýs Patrıarhynyń ekzarhy Venıamın (Vıtalıı Týpeko);
6. Izraıldiń bas ashkenaz ravvıni Kalman Ber;
7. Izraıldiń bas sefard ravvıni Davıd Iosef;
8. Bahaı halyqaralyq qoǵamdastyǵynyń bas hatshysy Devıd Rýtshteın;
9. Dúnıejúzilik býddashylar baýyrlastyǵynyń prezıdenti Fallop Taıarı;
10. Islam áleminiń bilim, ǵylym jáne mádenıet uıymynyń bas dırektory Salım Muhammed ál-Malık;
11. Halyqaralyq túrki mádenıeti uıymynyń bas hatshysy Sultan Raev;
12. Dinı jáne dástúrli bitimgerler jelisiniń atqarýshy dırektory Muhammed Elsanoýsı;
13. Eýrazııanyń evreı qaýymyn qoldaý jónindegi ulttyq koalıtsııanyń atqarýshy vıtse-tóraǵasy, bas atqarýshy dırektory Mark Barrı Levın;
14. Birikken Ulttar Uıymy Órkenıetter Alıansynyń dırektory Nıhal Saad;
15. Izraıldiń bas ashkenaz ravvıniniń ókili Shlomo Menahem Kýk nagradtaldy.
Іzgi nıet elshileriniń aıryqsha belgilerimen:
1. Islamabad halyqaralyq ıslam ýnıversıtetiniń Islamdy zertteý ınstıtýtynyń bas dırektory Muhammed Zııa Ýl-Hak;
2. BAÁ Toleranttylyq jáne beıbit qatar ómir súrý mınıstrliginiń bas dırektory Afra Ál Sabrı;
3. Martın Lıýter Іnjil-Lıýteran odaǵynyń bas hatshysy Mıhael Hıýbner;
4. Álemdik jáne dástúrli dinder kóshbasshylary seziniń maqsattary men mindetterin ilgeriletý jónindegi ýákili Bolat Sársenbaev marapattaldy.
Budan buryn habarlanǵandaı, búgin elordadaǵy Táýelsizdik saraıynda Prezıdent Qasym-Jomart Toqaevtyń qatysýymen Álemdik jáne dástúrli dinder kóshbasshylary VIII Cezi ótti.
Shara barysynda Toqaev Jasandy ıntellektini damytý ádebi jónindegi dinaralyq komıssııa qurýdy usyndy.