Dinaralyq dıalogqa jastardy kóbirek tartý kerek – Máýlen Áshimbaev
ASTANA. KAZINFORM – Senat tóraǵasy Máýlen Áshimbaev elordada ótip jatqan Álemdik jáne dástúrli dinder kóshbasshylary sezi hatshylyǵynyń HHІІ otyrysynda konfessııalar men mádenıetter arasyndaǵy dıalogqa jastardy kóbirek tartýdyń mańyzyna toqtaldy.
«Sezdi damytý tujyrymdamasynyń aıasynda usynylyp otyrǵan mańyzdy bastamanyń biri – jas din kóshbasshylarynyń forýmyn ótkizý. Konfessııaaralyq jáne mádenıetter arasyndaǵy dıalogqa jastardy belsendirek jumyldyrý qajet ekeni aıdan anyq. Sez jumysyna jas kóshbasshylardyń qatysýy órkenıetter arasyndaǵy, dinder arasyndaǵy dıalogta dástúr men sabaqtastyqty saqtaýǵa múmkindik beredi», - dedi ol.
Senat spıkeri atalǵan usynys bıylǵy jıyn aıasynda iske asyp jatqanyn atap ótti.
«Erteń túrli konfessııalardyń, halyqaralyq qoǵamdyq uıymdardyń jas ókilderi, kelesheginen zor úmit kúttiretin ǵalymdar men saıasatkerler Astanada jınalyp, jas kóshbasshylardyń zamanaýı álemniń úndestikpen damýyndaǵy rólin talqylaıdy. Osy jáne ózge de qadamdar bizdiń sezdiń ary qaraı damýyna jáne yqpalynyń arta túsýine, sondaı-aq rýhanı dıplomatııany ilgeriletýge, jahandyq deńgeıdegi dinaralyq, mádenıetaralyq dıalogtyń ornaýyna septigin tıgizetininen senimdimin», - dedi Máýlen Áshimbaev.
