Din kóshbasshylary adamzattyń tsıfrlyq bolashaǵyn talqylaýǵa qatysýy tıis - Prezıdent

ASTANA. KAZINFORM – Ádep normalary tehnologııalyq progrestiń joǵary qarqynyna beıimdelip úlgermeı jatyr. Bul týraly Álemdik jáne dástúrli dinder kóshbasshylary VIII Ceziniń jalpy otyrysynda Memleket basshysy Qasym-Jomart Toqaev aıtty.

- Álem jańa tehnologııalyq dáýirge qaryshtap enip barady. Jasandy ıntellekt, úlken derekter, bıoınjenerııa jáne ózge de revolıýtsııalyq ınnovatsııalar adamzat tynys-tirshiliginiń barlyq salasyn túbegeıli ózgertýde. Biraq, ádep normalary tehnologııalyq progrestiń joǵary qarqynyna beıimdelip úlgermeı jatyr, - dedi Qasym-Jomart Toqaev.

Osy oraıda Memleket basshysy tańdaý erkindigin qorǵaý jáne jeke ómirge qol suǵylmaýshylyq, tsıfrlyq teńdikti qamtamasyz etý jáne qaýipsizdik, jasandy ıntellektini qoldaný syndy jańa syn-tegeýirinder paıda bolǵanyna nazar aýdartty.

- Din kóshbasshylary adamgershilik qundylyqtary men arman-murattardyń saqtaýshysy retinde adamzattyń tsıfrlyq bolashaǵyn talqylaýǵa qatysýy tıis ekendigine senimdimin. Kez kelgen tehnologııa adamdardyń ıgiligine jumys isteýi tıis. Bul úshin rýhanı kóshbasshylardyń, ǵalymdar men tehnokrat-ınjenerlerdiń turaqty dıalogy qajet, - dedi Prezıdent.

Astanada Álemdik dinder kóshbasshylarynyń sezi bastaldy.

Іs-shara barysynda Qasym-Jomart Toqaev din basshylaryn beıbitshilik elshileri dep atady.