Din bostandyǵyn qoldaımyz – AQSh elshisi hıdjabqa ruqsat berý jóninde

Qazaqstandaǵy AQSh elshisi Denıel Rozenblıým jýrnalıstermen ótken dóńgelek ústelde eldegi hıdjabqa ruqsat berý jóninde tilshiler suraǵyna jaýap berdi, dep habarlaıdy QazAqparat tilshisi. 

«Shynymdy aıtsam, qoǵamdyq oryndarda, mektepterde hıdjab kııý máselesimen onsha tanys emespin. Buǵan deıin Ózbekstanda jumys istegende atalǵan máseleni jıi kóretinmin, bul da Ózbekstandaǵy ózekti taqyryp boldy», - dep jaýap berdi Denıel Rozenblıým.

Elshi Qazaqstandaǵy jaǵdaılarǵa qatysty naqty pikir bere almaıtynyn, biraq AQSh-tyń árqashan din bostandyǵy men ózin tanytý bostandyǵy ıdeıasyn qoldaıtynyn atap ótti.

«Ár elge baılanysty «ózin tanytý» uǵymy ózgerýi múmkin, sondyqtan bul boljaldar men ustanymdardy naqty elge beıimdeý qashan da mańyzdy, biraq men AQSh-ta árqashan osyndaı bostandyqtardy saqtaý men qamtamasyz etýdi jaqtaıtynymyzdy aıtqym keledi», - dedi dıplomat.

Buǵan deıin Denıel Rozenblıým AQSh prezıdenti Djo Baıdenniń Ortalyq Azııaǵa sapary jóninde suraqtarǵa jaýap berdi.

Ortalyq Azııada Qazaqstan azamattaryna ǵana AQSh-tyń 10 jyldyq mıgratsııalyq emes vızasy beriledi. Elshi AQSh vızasyn berýdi jeńildetýge múddeli ekenderin aıtty.

Sondaı-aq, AQSh elshisi shet elden aqsha alatyn qazaqstandyqtardyń tizimine qatysty pikir bildirdi.