Dmıtrıı Reıherd mogýldan álem kýbogynyń kúmis júldegeri atandy
ASTANA. QazAqparat - Qazaqstandyq frıstaılshy Dmıtrıı Reıherd óz sporttyq mansabynda tuńǵysh ret mogýldan álem kýbogynyń jalpy esebi boıynsha kúmis júldege qol jetkizdi, dep habarlaıdy QazAqparat.
QR UOK-niń baspasóz qyzmeti taratqan málimetterge súıensek, Dmıtrıı Reıherd mogýldan álem kýbogynyń qorytyndysy boıynsha 585 upaı enshilegen. Nátıjesinde ol kúmis júldege qol jetkizdi. Al bas júldeni kanadalyq Mıkael Kıngsberrı qanjyǵasyna baılady. Ol 940 upaı enshiledi. Úzdik úshtikti japonııalyq Ikýma Horıshıma qorytyndylady (441 upaı). Taǵy bir otandasymyz Pavel Kolmakov 153 upaımen 15-shi orynda turaqtady.
Áıelder reıtıngisinde Phenchhan Olımpıadasynyń qola júldegeri ıÝlııa Galysheva (420 upaı) altynshy satyda jaıǵasty. Birinshi orynda frantsııalyq Perrın Lıafont - 607.
