Dmıtrıı Reıherd frıstaıl-mogýldan Álem kýbogy kezeńinde qola medal jeńip aldy
ALMATY. QazAqparat - Qazaqstandyqtar Qytaıdyń Taıvý qalasynda ótip jatqan frıstaıl-mogýldan Álem kýbogy ekinshi kezeńinde sátti óner kórsetti, dep habarlaıdy QazAqparat tilshisi.
Erler arasynda ótken jeke mogýl jarysynda (olımpıadalyq dıstsıplına) qazaqstandyq Dmıtrıı Reıherd óziniń maýsymdaǵy alǵashqy jeńisine qol jetkizdi. Ol Kezeńniń qola júldesi men 86.92 upaıyna ıe boldy. Kúmisti 2017 jylǵy álem chempıony Ikýma Horıshıma (Japonııa, 87.68 upaı), altyndy kanadalyq olımpıada chempıony Makla Kınsberrı (90.31 upaı) ıelendi. Taǵy bir qazaqstandyq Pavel Kolmakov Kezeńde 16-shy oryn aldy. Al, otandasymyz Aleksandr Gebert irikteýde joldan shyǵyp qaldy.
Áıelder arasyndaǵy jarystan 2018-Olımpıada qola júldegeri qazaqstandyq ıÝlııa Galysheva aqtyq synǵa ótti, biraq, ókinishke oraı, oǵan qola medalge 0.03 upaı jetpeı qaldy. 3-oryn alǵan frantsııalyq Perrın Lıafonttyń upaıy 81.23 bolsa, Galyshevaniki - 81.20. Qazaqstandyq bul joly tórtinshi orynmen shekteldi. Kezeńniń altyn medalin amerıkalyq Djaelıe Kaýf (83.08) qanjyǵalady. Taǵy bir otandasymyz Aıaýlym Ámrenova 28-shi orynda tur.
Avtor: Albert Ahmetov
