Dmıtrıı Popko Zagrebte ketken eseni Bratıslavada qaıtardy

ASTANA. KAZINFORM – Qazaqstandyq tennısşi, álemniń 231-raketkasy Dmıtrıı Popko Bratıslava (Slovakııa) chellendjer týrnıriniń shırek fınalyna shyqty. 

Qazaqstandyq tennısshi ekinshi aınalymda dúnıejúzilik reıtıngide 328-orynda turǵan horvatııalyq Mateı Dodıgtiń mysyn basty. 

Ótken aptada M.Dodıg óz elinde ótken Zagreb chellendjer dodasynyń shırek fınalynda úsh saǵatqa jýyq ýaqytqa sozylǵan tartysty matchta D.Popkony 7:5, 4:6, 6:4 esebimen jeńgen edi.

Bul joly báseke D.Popkonyń aıqyn basymdylyǵymen bastaldy – 6:1. Ekinshi sette de ol sol qarqynyn joǵaltqan joq – 6:4. Bir saǵattan astam ýaqytqa sozylǵan oıyn barysynda Popko 7 eıspen birge 3 breık-poınttan shashaý shyǵarmady. Dodıg 3 eıspen shekteldi.

Dmıtrıı Popko jartylaı fınalǵa shyǵý úshin álemniń 295-raketkasy, Polsha ókili Kamıl Maıchrzak nemese reıtıngide 364-satydaǵy taǵy bir horvatııalyq Lýka Mıkrýttyń qaı jeńgenimen talasady.

Qazirgi kezde D.Popko ATP Live reıtıngisinde 224-orynǵa kóterilip tur.

Eske sala keteıik, budan buryn Dmıtrıı Popkonyń Bratıslavada úsh saǵatqa sozylǵan matchty jeńispen túıindegenin jazǵan bolatynbyz. Sondaı-aq Aleksandr Býblık Shtýtgart týrnıriniń shırek fınalyna shyqty.