Dmıtrıı Popko Portýgalııada negizgi jarysqa shyqty

ASTANA. KAZINFORM – Qazaqstandyq, álemniń 223-raketkasy Dmıtrıı Popko Oeırash (Portýgalııa) chellendjer týrnırine ótti. 

Dmıtrıı Popko irikteý saıystarynyń fınalynda álemniń 285-raketkasy, lıtvalyq Vılıýs Gaýbaspen sheberlik baıqasty.

Qazaqstandyq tennısshi lıtvalyq sportshyny 6:2, 6:3 esebimen utty.

Saǵat jarymnan astam ýaqytqa sozylǵan báseke barysynda Popko 1 eıspen birge 8 breık-poınttyń úsheýin múlt jibergen joq. Gaýbas 2 eıspen ǵana shekteldi.

Osylaısha, negizgi jarysqa joldama alǵan Dmıtrıı Popkonyń kelesi qarsylasy – álemniń 182-raketkasy, Brazılııa ókili Gýstavo Heıde.

Sonymen qatar Oeırash chellendjer dodasynyń alǵashqy aınalymynda álemniń 174-raketkasy Beıbit Juqaev reıtıngide 282-oryndaǵy belgııalyq Gote Onklınmen, Denıs Evseev (№177) aýstrııalyq Lýkas Noımaıermen (№211) oınaıdy.

Eske sala keteıik, budan buryn qazaqstandyq tennısshilerdiń Týnıs pen Portýgalııadaǵy jarysty sátti bastaǵanyn jazǵan bolatynbyz.

Sondaı-aq Shymkent qalasynda jasóspirimder álem chempıonatyna irikteý týrnıri bastaldy.

Tımofeı Skatov Týnıste negizgi týrnırge joldama aldy.