Dmıtrıı Popko Meksıkadaǵy jeńisinen keıin reıtıngide 175-orynǵa kóterildi
ASTANA. KAZINFORM — Kásibı tennısshiler qaýymdastyǵynyń (ATP) jańartylǵan reıtıngisinde qazaqstandyq sportshylardyń orny belgili boldy.

Qazaqstannyń birinshi raketkasy Aleksandr Býblık 80-nen 77-ge joǵarylasa, Aleksandr Shevchenko 98-den 105-ke tómendep, TOP-100-den shyǵyp qaldy.
Mıhaıl Kýkýshkın 160-ornyn saqtap qalsa, Tımofeı Skatov 175-ten 174-ke aýysty.
Meksıkadaǵy Morelııa týrnıriniń jeńimpazy atanǵan Dmıtrıı Popko 245-ten birden 70 saty joǵarylap, 175-ten bir shyqty.
Osy jarysta jartylaı fınalǵa deıin jetken Beıbit Juqaev ta TOP-200-ge kirdi, ol qazir 215-ten 192-orynǵa jaıǵasty.
Juptyq synda Aleksandr Nedovesov 74-ten 84-ke, A.Býblık 130-dan 133-ke syrǵydy.
Eske sala keteıik, budan buryn Tımofeı Skatovtyń Býharestegi týrnırdi sátti bastaǵanyn jazǵan edik.
Sondaı-aq Dmıtrıı Popko Meksıkadaǵy týrnırdiń jeńimpazy atandy.
Elena Rybakına álemdik reıtıngide 10-orynǵa túsip qaldy.