Dmıtrıı Popko Meksıkadaǵy týrnırdiń jeńimpazy atandy

ASTANA. KAZINFORM — Qazaqstandyq tennısshi, álemniń 245-raketkasy Dmıtrıı Popko Morelııa (Meksıka) chellendjer týrnırinde úzdik shyqty.

Qazaqstandyq tennısshi fınalda álemniń 95-inshi, osy jarystyń 1-raketkasy Djeıms Dakvortpen chempıondyq ataqty sarapqa saldy.

Birinshi partııada Dakvort basymdyq tanytty — 6:1. Budan keıin Popko kambek jasap, tarazy basyn aýdara bildi — 6:2, 6:4.

Bir saǵat 47 mınýtqa sozylǵan fınaldyq matchta D. Popko 8 eıspen birge 6 breık-poınttyń teń jartysyn óz esebine jazdy. Dakvort 6 eıs, 3 breıkpen (8 breık-poınt) kózge tústi.

Osylaısha, 28 jastaǵy qazaqstandyq tennısshi sporttyq jolynda ekinshi chellendjer dodasynyń jeńimpazy atandy. Ol 28,4 myń AQSh dollary kóleminde tabys taýyp, 125 reıtıngilik upaıǵa ıe boldy.

D.Popko ATP jańartylǵan reıtıngisinde 175-orynǵa kóteriledi.

Eske sala keteıik, budan buryn Tımofeı Skatovtyń Býharestegi týrnırdi sátti bastaǵanyn jazǵan edik.