Dmıtrıı Popko Meksıkadaǵy týrnırdiń shırek fınalyna shyqty

ASTANA. KAZINFORM — Qazaqstandyq, álemniń 175-raketkasy Dmıtrıı Popko Morelos (Meksıka) chellendjer týrnıriniń shırek fınalyna joldama aldy.

Дмитрий Попко АҚШ-тағы жарыстың жартылай финалында ойнайды
Фото: olympic.kz

Qazaqstandyq tennısshi ekinshi aınalymda dúnıejúzilik reıtıngide 497-orynda turǵan germanııalyq Maks Vıskandtpen kezdesti.

Germanııalyq sportshy álemdik reıtıngide áldeqaıda tómen turǵanyna qaramastan, match óte tartysty órbidi.

Birinshi partııada Popko 7:5 esebimen basym tússe, ekinshisinde Vıskandt taı-breıkte ese qaıyrdy — 7:6 (7:4).

Úshinshi, sheshýshi sette taı-breıkte Dmıtrıı tarazy basyn ózine aýdara bildi — 7:6 (7:5).

Eki saǵat 51 mınýtqa sozylǵan báseke barysynda Popko 10 eıspen birge 8 breık-poınttyń úsheýin paıdaǵa asyrdy. Vıskandt 6 eıs, 2 breıkpen (5 breık-poınt) shekteldi.

Dmıtrıı Popko jartylaı fınalǵa shyǵý úshin álemniń 155-raketkasy, argentınalyq Hýan Pablo Fıkovıchpen talasady. 

Bir apta buryn Meksıkadaǵy Morelııa chellendjer dodasynda úzdik shyqqan D. Popko qazirgi kezde ATP Live reıtıngisinde 170-orynǵa kóterilip tur.

Eske sala keteıik, budan buryn ıÝlııa Pýtıntsevanyń Charlston týrnıriniń shırek fınalynan tys qalǵanyn jazǵan bolatynbyz.

Сейчас читают