Dmıtrıı Popko Qazaqstannyń úshinshi raketkasy atandy
ASTANA. KAZINFORM — Kásibı tennısshiler qaýymdastyǵy (ATP) jańartylǵan reıtıngini jarııa etti.

Qazaqstannyń birinshi raketkasy Aleksandr Býblık 77-den 76-ǵa aýyssa, Aleksandr Shevchenko 105-ten 106-ǵa syrǵydy.
Sońǵy eki aptada Meksıkada sátti óner kórsetken Dmıtrıı Popko álemdik reıtıngide joǵarylap keledi. Budan bir apta buryn ol 245-ten 175-orynǵa kóterilse, qazirgi kezde álemniń 159-raketkasy atanyp otyr. Mıhaıl Kýkýshkın 160-tan 162-ge tómendegendikten, D.Popko Qazaqstannyń úshinshi raketkasy boldy.
Tımofeı Skatov 174-ten 179-ǵa, Beıbit Juqaev 192-den 205-ke túsip qaldy.
Juptyq synda Aleksandr Nedovesov 84-ten 109-ǵa quldyrasa, A.Býblık 133-te tur.
Áıelder arasynda Elena Rybakına WTA reıtıngisinde onynshy, ıÝlııa Pýtıntseva 23-ornyn saqtady.
Juptyq synda Anna Danılına 17-den 18-ge syrǵysa, ıÝ.Pýtıntseva 75-inshi, Jibek Qulambaeva 162-ornynda qaldy.
Eske sala keteıik, budan buryn Dmıtrıı Popkonyń Meksıkadaǵy týrnırdiń fınalynda ese jibergenin jazǵan bolatynbyz.