Dmıtrıı Popko Italııadaǵy jarystyń shırek fınalyna joldama aldy

ASTANA. KAZINFORM – Qazaqstandyq tennısshi, álemniń 244-raketkasy Dmıtrıı Popko Vıchentsa (Italııa) chellendjer týrnıriniń shırek fınalyna joldama aldy.

Qazaqstandyq tennısshi 1/8 fınalda dúnıejúzilik reıtıngide 580-orynda turǵan ıtalııalyq Federıko Arnaboldıdan aılasyn asyrdy.

D.Popko qarsylasyn eki partııada aıqyn basymdylyqpen utty – 6:3, 6:1. Bir saǵat 25 mınýtqa sozylǵan matchta ol 2 eıspen birge 13 breık-poınttyń tórteýin múlt jibergen joq. Arnaboldı 2 eıspen tynshydy.

Dmıtrıı Popko jartylaı fınalǵa shyǵý úshin álemniń – 134, osy jarystyń 1-raketkasy, kort ıesi Franchesko Passaromen talasady. Ol óziniń otandasy, reıtıngide 403-oryndaǵy Marko Chekkınatony joldan taıdyrdy – 6:3, 6:2.

Qazaqstannyń áıelder arasynda ekinshi, álemniń 39-raketkasy ıÝlııa Pýtıntseva Parıjde Rolan Garros týrnıriniń úshinshi aınalymyna óte almady. Ol kezinde dúnıejúzilik reıtıngide 2-orynǵa deıin kóterilgen, qazirgi tańda 139-satydaǵy ıspanııalyq Paýla Badosaǵa eki saǵattan astam ýaqytqa sozylǵan tartysty matchta ese jiberdi – 6:4, 1:6, 5:7.

Eske sala keteıik, budan buryn Elena Rybakınanyń Rolan Garros týrnıriniń úshinshi aınalymyna ótkenin jazǵan bolatynbyz.