Dmıtrıı Popko Brazılııadaǵy jarystyń 1/8 fınalyna shyqty

ASTANA. KAZINFORM – Qazaqstandyq, álemniń 223-raketkasy Dmıtrıı Popko Santos (Brazılııa) chellendjer týrnıriniń 1/8 fınalyna ótti.

Jarystyń 1-raketkasy bolyp tirkelgen qazaqstandyq tennısshi alǵashqy aınalymda dúnıejúzilik reıtıngide 529-orynda turǵan argentınalyq Ivan Hýstonyń meselin qaıyrdy.

D.Popko birinshi partııada qarsylasyna birde-bir geım bergen joq – 6:0. Ekinshisinde de esesin jibermedi – 7:5.

Saǵat jarymǵa jýyq ýaqytqa sozylǵan báseke barysynda Dmıtrıı 7 eıspen birge 8 breık-poınttyń altaýyn paıdalandy. Hýsto 10 breık-poınttyń ekeýin ǵana óz esebine jazdy.

Dmıtrıı Popko shırek fınalǵa shyǵý úshin reıtıngide 340-satydaǵy taǵy bir argentınalyq Ernan Kazanovamen talasady.

Taǵy bir qazaqstandyq, álemniń 134-raketkasy Mıhaıl Kýkýshkın Rım masters týrnıri irikteý saıysynyń fınalynda kezinde reıtıngide 8-orynǵa deıin kóterilgen argentınalyq Dıego Shvartsmannan 6:4, 2:6, 3:6 esebimen jeńilis taýyp, negizgi jarysqa óte almady.

Sondaı-aq álemniń 174-raketkasy Beıbit Juqaev Ýsı (Qytaı) chellendjer dodasynyń alǵashqy aınalymynda kútpegen jerden reıtıngide 284-satydaǵy taıbeılik Vý Tang-Lınnan utylyp qaldy – 3:6, 4:6.

Eske sala keteıik, budan buryn Elena Rybakınanyń álemde vınnersten aldyna jan salmaı kele jatqanyn jazǵan bolatynbyz.

Sondaı-aq ıÝlııa Pýtıntseva Rım týrnıriniń ekinshi aınalymyna ótti