Dmıtrıı Popko Bratıslavada úsh saǵatqa sozylǵan matchty jeńispen túıindedi

ASTANA. KAZINFORM – Qazaqstandyq, álemniń 231-raketkasy Dmıtrıı Popko Bratıslava (Slovakııa) chellendjer týrnırin jeńispen bastady. 

Qazaqstandyq tennısshi alǵashqy aınalymda dúnıejúzilik reıtıngide 393-orynda turǵan túrkııalyq ıAnkı Erelmen asa tartysty kezdesý ótkizdi. 

Birinshi partııada taı-breıkte Popko sátti oınady – 7:6 (7:2). Ekinshisinde Erel ese qaıyrdy – 7:6 (7:5). Úshinshi, sheshýshi sette túrkııalyq tennısshi 2:0 esebimen alǵa shyqqanymen, qazaqstandyq sportshy matchty breıkpen túıindedi – 6:4. 

Úsh saǵatqa sozylǵan báseke barysynda Popko 7 eıs jasap, 11 breık-poınttyń beseýin qur jibergen joq. Erel 3 eıs, 4 breıkpen (10 breık-poınt) shekteldi. 

Dmıtrıı Popko shırek fınalǵa shyǵý úshin álemniń 328-raketkasy, horvatııalyq Mateı Dodıgpen sheberlik baıqasady.

Ótken aptada M.Dodıg Zagreb (Horvatııa) chellendjer jarysynyń shırek fınalynda D.Popkony 7:5, 4:6, 6:4 esebimen jeńip ketken edi. Bul joly qalaı bolatynyn 13 maýsym kúni bolatyn oıyn kórsetedi. 

Eske sala keteıik, budan buryn Aleksandr Býblıktiń Shtýtgart týrnırin ekinshi aınalymnan bastaıtynyn jazǵan bolatynbyz. Býblık búgin Shtýtgartta ekinshi aınalymda reıtıngide 135-oryndaǵy serbııalyq Hamad Medjedovıchpen kezdesedi.