Dmıtrıı Popko AQSh-taǵy jarystyń shırek fınalyna ótti

ASTANA. KAZINFORM – Qazaqstandyq, álemniń 339-raketkasy Dmıtrıı Popko AQSh-tyń Sanraız qalasynda (Florıda shtaty) ótip jatqan ITF týrnıriniń shırek fınalyna ótti.

Jarystyń 2-raketkasy bolyp tirkelgen qazaqstandyq tennısshi aldymen domınıkandyq Djýnıor Tavarezdi 7:6 (7:5), 6:4 esebimen utty.

D.Popko ekinshi aınalymda amerıkalyq, reıtıngide 871-oryndaǵy Henrık Vırsholmdi 6:3, 4:6, 7:5 esebimen tize búktirdi.

Tartysty báseke 3 saǵat 11 mınýtqa sozyldy.

Dmıtrıı Popko jartylaı fınalǵa ótý úshin reıtıngide 821-oryndaǵy taǵy bir amerıkalyq Aksel Nıfvemen talasady.

Eske sala keteıik, budan buryn Elena Rybakınanyń Ábý-Dabı týrnıriniń shırek fınalyna shyqqanyn jazǵan bolatynbyz.

Sondaı-aq qazaqstandyq tennısshi Marsel týrnıriniń 1-raketkasyna jol berdi.