Dmıtrıı Popko AQSh-ta úsh saǵattyq matchta qarsylasyn jeńip, jartylaı fınalǵa ótti

ASTANA. KAZINFORM – Qazaqstandyq, álemniń 339-raketkasy Dmıtrıı Popko AQSh-tyń Sanraız qalasynda (Florıda shtaty) ótip jatqan ITF týrnıriniń jartylaı fınalyna joldama aldy.

Jarystyń 2-raketkasy bolyp tirkelgen qazaqstandyq tennısshi shırek fınalda dúnıejúzilik reıtıngide 821-orynda turǵan amerıkalyq Aksel Nıfvemen kezdesti.

Básekeniń tartysty ótkeni sondaı, 3 saǵat 7 mınýtqa sozyldy.

Birinshi partııada taı-breıkte amerıkalyq tennısshi 7:6 (11:9) esebimen basym tússe, odan keıin oıyn tizginin Popko qolyna aldy – 7:5, 6:2.

D.Popkonyń ekinshi aınalymdaǵy amerıkalyq Henrık Vırsholmmen matchy da 3 saǵat 11 mınýtqa sozylǵan edi.

Dmıtrıı Popko fınalǵa shyǵý úshin álemniń 758-raketkasy, domınıkandyq Pıter Bertranmen talasady.

Eske sala keteıik, budan buryn Elena Rybakınanyń Ábý-Dabı týrnıriniń shırek fınalyna shyqqanyn jazǵan bolatynbyz.

Sondaı-aq Mıhaıl Kýkýshkın Nottıngem týrnıriniń shırek fınalyna joldama aldy.