Dmıtrıı Popko AQSh ashyq chempıonatynyń irikteý saıysynda jeńilip qaldy
NUR-SULTAN. QazAqparat – Qazaqstandyq Dmıtrıı Popko AQSh ashyq chempıonaty irikteý saıysynyń fınalyna shyǵa almady, dep habarlaıdy QazAqparat tilshisi.
Dúnıejúzilik reıtıngte 236-orynda turǵan D.Popko irikteý saıystarynyń jartylaı fınalynda álemniń 114-raketkasy, slovakııalyq Norbert Gomboshpen sheberlik baıqasty.
Birinshi partııada slovakııalyq sportshy 6:4 esebimen basym tústi. Ekinshisinde D.Popko dál sondaı eseppen ese qaıyrdy.
Úshinshi, sheshýshi sette slovakııalyq senimdi oınady – 6:2.
Eki saǵat 14 mınýtqa sozylǵan matchta Dmıtrıı 11 eıs jasap, 6 breık-poınttyń ekeýin paıdalandy. Qarsylasy 7 eıspen birge 11 breık-poınttyń tórteýin óz esebine jazdy.
Osylaısha, D.Popko taǵy bir «Úlken dýlyǵa» týrnırinen tys qaldy.
Mıhaıl Kýkýshkın AQSh ashyq birinshiligi irikteý saıystarynyń jartylaı fınalynda ıspanııalyq Fernando Verdaskomen kortqa shyǵady.
Taǵy bir qazaqstandyq Denıs Evseev Nonthabýrı (Taıland) chellendjer jarysynyń shırek fınalyna óte almady.
D.Evseev ekinshi aınalymda frantsııalyq Kırıan Jakege jol berdi – 7:6 7:2), 6:7 (4:7), 0:3. Úshinshi sette Denıs jaraqatyna baılanysty matchty jalǵastyra almady. Bul oıyn 2 saǵat 30 mınýtqa sozyldy.
Eske sala keteıik, budan buryn Mıhaıl Kýkýshkınniń AQSh ashyq chempıonatynyń irikteý saıysyn jeńispen bastaǵanyn jazǵan bolatynbyz.
