Dmıtrıı Petrýhınniń jer sharyn aınalýdy kózdegen qazaqstandyq komandasy Bagam araldaryndaǵy «Sendı» daýylyna tap boldy

Bul týraly D.Petrýhınniń saıtynan habarlandy.

Alǵashynda saıahatshylar Gaıtıǵa barmaqshy boldy, biraq bastalyp ketken daýyl olardyń josparlaryn tolyq aýystyrdy, endi qazaqstandyq eriksiz tutqyndar Nassaý aralynda qalyp qoıdy, óıtkeni daýyldyń saldarynan barlyq áýe reısteri men teńiz baǵyttary toqtatyldy.

Qazaqstandyq ekspedıtsııanyń basshysy Dmıtrıı Petrýhın: «Qala qańyrap qaldy. Oǵan daýyl jaqyndaýda, eki-úsh saǵattan keıin munda birneshe saǵat buryn Santıago de Kýba bolǵan jaǵdaı oryn alady», dedi.

Daýyl keshke taıaý óziniń qıratýshylyq kúshin jınaı bastady. Jańalyqtardan tropıkalyq daýyl jaqyndap qalǵanyn estigen jergilikti turǵyndar oǵan aldyn ala daıyndaldy - tústen keıin astananyń kósheleri tolyq qańyrap qaldy. Іshetin as pen sýdy izdegen bizdiń saıahatshylarymyz bastalǵan daýyldyń dál ortasyna tústi.

Baspanalaryna aman-esen jetken, ústi-bastary sý jáne ash saıahatshylar alaı-dúleı apattan tyǵylyp úlgerdi. Al daýyl bolsa túnde óziniń kúshin jınap, Bagam arhıpelagynyń barlyq araldarynan ótip, jolyndaǵylardyń barlyǵyn shaıyp, joıyp jiberdi. Keıinirek saıahatshylar jergilikti turǵyndardan bul daýyldyń saldarynan aldyn ala málimetter boıynsha jıyrmadan astam adam qaza tapqanyn bildi.