Dmıtrıı Peskov: Reseı men Qazaqstannyń ótkeni ortaq, bolashaǵy jarqyn

ASTANA.KAZINFORM — Eki táýelsiz memleket bolǵanyna qaramastan, Reseı men Qazaqstannyń tarıhı murasy ortaq jáne birlesken damý áleýetine ıe. Bul týraly Almatyda ótken Qazaqstan-Reseı medıaforýmynda RF Prezıdentiniń baspasóz hatshysy Dmıtrıı Peskov aıtty. 

— Reseı men Qazaqstan eki bólek el, biraq ótken joly ortaq, al eger biz kóp jumys jasasaq, eki eldiń bolashaǵy jarqyn. Meniń buǵan kúmánim joq, — dedi Peskov.

Onyń aıtýynsha, birlesken isterdi durys uıymdastyrý jáne barlyq salalar boıynsha ózara tıimdi áreket etý ekijaqty tıimdilikke jetkizedi, bul Reseı úshin de, Qazaqstan úshin de turaqty damýdyń negizi bolady.

— Bul bizge ortaq tarıhymyzdy saqtaı otyryp, ózara tıimdilikpen birge alǵa jyljýǵa jáne eki el halyqtary úshin dıvıdend jınaýǵa múmkindik beredi. Óıtkeni eki el de dál osy úshin jumys isteıdi, — dedi Kreml ókili.

Esterińizge sala keteıik, 28 qyrkúıek kúni Almatyda ІІ Qazaqstan-Reseı medıaforýmy ótti.