Dmıtrıı Parfenov «Aqtóbe» fýtbol klýbynyń bas bapkeri qyzmetinen ketti

ASTANA. KAZINFORM - «Aqtóbe» fýtbol klýby ózara kelisim aıasynda Dmıtrıı Parfenovpen aradaǵy kelisimshartty úzgenin resmı habarlaıdy.

Jyl basynda 49 jastaǵy reseılik maman «Aqtóbe» tizginin ustady. Qazir komanda týrnırlik kestede ekinshi orynda tur.

https://kaz.inform.kz/news/paralimpiada-2024-bugn-kazakstan-kuramasinan-kmder-sayiska-tused-01bad5/

Sondaı-aq Parfenovtyń basshylyǵymen komanda Qazaqstan Kýboginiń fınalyna shyqty. Mamyr aıynyń «Úzdik bapkeri» júldesin jeńdi.

Dmıtrıı Parfenov 1974 jyly dúnıege kelgen. Ol Reseıdiń «Spartak» komandasynyń namysyn qorǵap, Reseıdiń tórt dúrkin chempıony atanǵan.

1996-2004 jyldary Ýkraına ulttyq quramasynda oıyn kórsetti.

2012 jyly bapkerlik mansabyn bastap, Reseı jasóspirimder quramasynyń tizginin ustady. Keıinnen «Tekstılşık» (Ivanovo) klýbyn baptap, «Tosno» (Sankt-Peterbýrg) ujymymen Reseı kýbogin jeńip aldy.

Odan bólek, reseılik «Ýral» klýbymen de el kýboginiń fınalyna deıin jetti. Sondaı-aq, týlalyq «Arsenaldy» jattyqtyrdy. 2022-2023 jyldarda «Rodına» (Máskeý) klýbyna Reseıdiń birinshi lıgasynda basshylyq jasady.

Aıta ketsek, 31 tamyzda «Aqtóbe» óz alańynda Semeıdiń «Elimaı» komandasyna 1:3 esebimen jol berdi.