Dmıtrıı Ogaı «Shahter» fýtbol klýbyn jattyqtyrady

ASTANA. KAZINFORM – Qazaqstandyq maman Dmıtrıı Ogaı qaraǵandylyq «Shahter» fýtbol klýbynyń bas bapkeri bolyp taǵaıyndaldy.

65 jastaǵy Dmıtrıı Ogaı fýtbolshy, sondaı-aq bapker retinde de keńinen tanymal. 

Ol «Ertis» (Pavlodar) klýbymen birge eki dúrkin Qazaqstan chempıony atandy. 

Endi D.Ogaıdyń basty maqsaty – «Shahterdi» Premer-lıgaǵa shyǵarý. Bıyl qaraǵandylyqtar Birinshi lıgada tórtinshi orynǵa taban tirep, joldamadan tys qaldy.

«Shahter» klýby óz tarıhynda eki ret Qazaqstan chempıony atandy. Sondaı-aq qazaqstandyq komandalar arasynan alǵash ret 2013-2014 jylǵy maýsymda Eýropa lıgasynyń toptyq básekesinde óner kórsetti.

Eske sala keteıik, budan buryn Ramazan Orazovtyń resmı túrde «Elimaı» komandasymen kelisimshartty uzartqanyn jazǵan edik.