Dmıtrıı Medvedevtiń jalaqysy 7800 dollardy, Vladımır Pýtındiki - 6200 dollardy quraıdy
ASTANA. 30 jeltoqsan. QazAqparat - Búgingi kúni eń joǵary jalaqy alatyn Memleket basshysy Sıngapýr Premer-mınıstri Lı Sıan Lýn bolyp tabylady, onyń qosymsha tólem kólemine táýeldi jyldyq tabysy 2 mıllıonnan 2, 5 mıllıon dollarǵa deıin jetedi, dep habarlaıdy RBK.
Hay Group amerıkandyq konsaltıngtik kompanııasynyń málimetinshe, álemdegi eń joǵary jalaqyny sıngapýrlyq sheneýnikter alady - bul jemqorlyqty joıý men memlekettik qyzmetke talantty jastardy tartý úshin jasalǵan áreket ekeni belgili.
Degenmen kelesi jyly Premer bıýdjeti shamamen 20 paıyzǵa qysqarady - órship turǵan álemdik qarjy daǵdarysyna qazyna osylaı jaýap qatýdy jón dep tapty.
Degenmen Reseı kóshbasshylaryna ol asa qıyndyq týdyra qoımaıdy - Dmıtrıı Medvedov (7800 dollar) pen Vladımır Pýtınniń (6200 dollar) jalaqysy tek G-8 áriptesteriniń ǵana emes, Reseı kásipkerlik korpýsynyń aıtarlyqtaı bóliginiń tabysynan az.
