Dmıtrıı Medvedevtiń «Tobyl kremli» fototýyndysy Peterborda ótken qaıyrymdylyq aýktsıonynda 51 mıllıon rýblge satyldy
SANKT-PETERBOR. Qańtardyń 18-i. QazAqparat /Elena Mıagkova/ - Sankt-Peterborda qańtardyń 16-synda ótken «Rojdestvolyq álipbı» qaıyrymdylyq aýktsıonynda Reseı Prezıdenti Dmıtrıı Medvedevtiń «Tobyl kremli» fototýyndysy 51 mıllıon rýblge satyldy.
QazAqparat tilshisiniń habarlaýynsha, Reseı Prezıdentiniń jumysyn peterborlyq kásipker, Reseı Tsellıýloz-qaǵaz kesheniniń ıesi Mıhaıl Vıngarevıch satyp alǵan.
Al Peterbor gýbernatory Valentına Matvıenkonyń sýretshi Ivan Slavınskıımen birlesip salǵan «Mármár kópir» kartınasy 13 mıllıon rýblge satyldy. Ony «Maksıdom» kompanııasy dırektorlar keńesiniń tóraǵasy Aleksandr Evnevıch satyp aldy.
Aýktsıonnan túsken jalpy tabys 81,5 mıllıon rýbldi qurady. Matvıenko hanym ýáde etkendeı, Uly jeńistiń 65 jyldyǵynda bul qarajattyń qomaqty bóligi ardagerlerge qoldaý kórsetýge jumsalatyn bolady. Sondaı-aq qarjynyń bir bóligi Fılatov atyndaǵy Balalar emhanasyna jáne «Úmit úıi» saýyqtyrý ortalyǵyna aýdarylady.
