Dmıtrıı Medvedev Reseı úkimetin taǵy da basqaratyn boldy

MÁSKEÝ. QazAqparat - Dmıtrıı Medvedev Reseı Federatsııasynyń premer-mınıstri bolyp saılandy. Onyń kandıdatýrasyn Memlekettik dýma qoldady, dep habarlaıdy TASS.

Dýma otyrysynda 430 depýtattyń 374-i ony jaqtap daýys berse, 56-sy qarsy bolǵan. Qalys qalǵandar joq.

Keıin Reseı prezıdenti Vladımır Pýtın Dmıtrıı Medvedevti RF úkimetiniń tóraǵasy qyzmetine taǵaıyndaý týraly jarlyqqa qol qoıdy.

Eske sala keteıik, keshe Vladımır Pýtın Úlken Kreml saraıyndaǵy Andreev zalynda memleket basshysy qyzmetine tórtinshi ret saılana otyryp, Reseı halqyna ant bergen bolatyn.  

Sondaı-aq, Vladımır Pýtın Memlekettik dýmaǵa premer-mınıstr laýazymyna Medvedevtiń kandıdatýrasyn usynǵan edi.