Dmıtrıı Medvedev Reseı musylmandaryn Qurban aıt meıramymen quttyqtady

«Bul tarıhy ǵasyrlar tereńinen bastaý alatyn jarqyn mereke adamdardy shynaıy ıslam qundylyqtaryna - beıbitshilikke, izgilikke, qaıyrymdylyqqa  biriktiredi. Qajylyq, Qurban aıt sııaqty ıslamnyń qasıetti paryzdaryn atqarý - adamnyń rýhanı jańǵyrýyn bildiredi. Oǵan senim ádilettilikke úndeıdi, jaqyndaryńa jáne muqtaj jandarǵa qamqorlyq jasaýǵa úıretedi», - delingen Kremldiń baspasóz qyzmeti taratqan quttyqtaýda.

«Búginde reseıdiń musylman jurty konfessııaaralyq dıalogty damytý, reseı qoǵamynyń mádenı áralýandyǵyn saqtaýda kóp nárselerdi istep otyr. - dep atap ótilgen quttyqtaýda. - Tatý kórshiliktiń jáne ózara qurmettiń tańdaýly dástúrlerine súıene otyryp, sizder bizdiń ortaq Otanymyzdyń gúldenýine budan bylaı járdemdesesizder dep senemin».

Búgin Reseı Federatsııasynyń ıslam jurty kóptep turatyn segiz aımaǵynda: Tatarstan, Bashqurtstan, Daǵystan, Sheshenstan, Ingýshetııa, Qabarda-Balqar, Qarashaı-Cherkesh jáne Adygeı jerlerinde demalys kúni jarııalandy.