Dmıtrıı Medvedev ózi qaıta saılanǵan jaǵdaıda saıası kúshterge arqa súıegendi qalaıdy
MÁSKEÝ. 18 mamyr. QazAqparat /Narymbek Ysmaǵulov/ - Aldaǵy prezıdenttik saılaýda óziniń kandıdatýrasyn usynǵan jaǵdaıda, RF Prezıdenti Dmıtrıı Medvedev saıası kúshterge arqa súıegendi qalap otyr.
Bul týraly ol Máskeý túbindegi «Skolkovodaǵy» úlken baspasóz máslıhaty barysynda málimdedi.
«Eger men prezıdenttikke óz kandıdatýramdy usynatyn bolsam, onda sózsiz naqty saıası kúshterge arqa súıeıtin bolamyn. Bizde iri partııalar jetkilikti. Eger men osymen aınalysatyn bolsam, meni osyǵan deıin bul qyzmetke usynǵandarǵa da arqa súıermin dep úmittenemin. Ekinshiden, meniń oıymsha, prezıdent óziniń saıası kúshin quryp, partııa múshesi bola alady, - dep atap ótti ol. "Qazir saıası kúshter qurylyp bitti, bizdiń elimizdi qalaı quryp, damytý týraly túrli túsinikter paıda boldy. Sondyqtan da prezıdent saıası kúshterdiń birin basqarýy tıis. Bul jaman bolmas edi», - dedi RF Prezıdenti.
