Dmıtrıı Medvedev koronavırýsqa qarsy ekpe jasatty
GORKI. TASS-QazAqparat - Reseı Federatsııasy Qaýipsizdik Keńesi tóraǵasynyń orynbasary Dmıtrıı Medvedev koronavırýsqa qarsy ekpe jasaǵanyn habarlady, dep jazady QazAqparat TASS agenttigine silteme jasap.
«Men eki aı buryn reseılik vaktsınalardyń birin aldym», - dedi Dmıtrıı Medvedev reseılik BAQ-qa bergen suhbatynda. Ol belgili bir preparatty «qandaı da bir vaktsına basqasynan jaqsy degen sezim bolmas úshin» atyn atamaıtynyn túsindirdi.
«Vaktsınatsııanyń biraz áýresi bar: qan tapsyrý kerek, deneńizdiń qandaı kúıde ekenin jáne ımmýndyq jaǵdaıyńyzdy bilýińiz kerek (bul jasqa baılanysty, jynysyna baılanysty, ókinishke oraı, er adamdarǵa bul koronavırýs ınfektsııasy aýyr tıedi)», - dedi keńes tóraǵasynyń orynbasary.
«Bizdiń barlyq vaktsınalarymyz tıimdi jáne qabiletti, biraq eger siz bireýin tańdasańyz, dárigermen keńesýińiz kerek. Biraq muny isteý kerek», - dedi Medvedev.
Ol vaktsınatsııanyń qalaı ótkendigi týraly keıbir málimettermen bólisti.
«Óte tynysh. Saldarsyz», - dedi Qaýipsizdik Keńesi tóraǵasynyń orynbasary.
Esterińizge sala keteıik, búgin, 1 aqpanda Qazaqstanda koronavırýsqa qarsy jappaı vaktsınatsııa bastaldy. Alǵashqy bolyp Qazaqstannyń Memlekettik sanıtarlyq dárigeri Erlan Qııasov pen densaýlyq saqtaý vıtse-mınıstri Ajar Ǵınııat egildi. Ajar Gınııat vaktsına vırýsqa qarsy alǵashqy qorǵanys quraly ekenin aıtty. Qazaqstannyń Bas memlekettik sanıtarlyq dárigeri Erlan Qııasov qazaqstandyqtardyń 50%-dan astamyn lokdaýndarsyz ómirge oralý úshin egý qajet ekenin túsindirdi.
