Dmıtrıı Medvedev qarjy mınstri A. Kýdrındi otstavkaǵa jiberdi
MÁSKEÝ. 27 qyrkúıek. QazAqparat /Narymbek Ysmaǵulov/ - RF Prezıdenti Dmıtrıı Medvedev pen Qarjy mınıstri Alekseı Kýdrınniń arasyndaǵy ekonomıkany jańartý jónindegi komıssııa otyrysynyń barysyndaǵy salǵylasý sońǵysynyń otstavkasymen aıaqtaldy.
Qarjy mınıstriniń jumysynan ketetini týraly aqparat 19.45-te keshte paıda boldy. «Prezıdent Vıtse-premer-Qarjy mınıstri Alekseı Kýdrınniń otstavkasy týraly jarlyqqa qol qoıdy. Mınıstrdiń ózi mundaı ótinish bergen joq. Prezıdent Premer-mınıstrdiń usynysy boıynsha qoldanystaǵy rásimge sáıkes osyndaı sheshim shyǵardy» - dedi buqaralyq aqparat quraldaryna Prezıdenttiń baspasóz hatshysy Natalıa Tımakova.
Jaǵdaı A.Kýdrınniń Vashıngtonda bolashaqta D.Medvedev basqaratyn úkimette jumys jasamaıtynyn aıtqan málimdemesinen keıin shıelenisti. Onyń aıtýynsha, ekonomıkalyq saıasat boıynsha olardyń arasynda alaýyzdyq týyndaǵan.
Ekonomıkany jańartý jónindegi komıssııa otyrysy barysynda D.Medvedev A.Kýdrınge sol kúni otsatvkaǵa ketýge usynys jasaǵan, eger ol memleket basshysymen kelispese, buǵan deıingi aıtqan málimdemesinen bas tartýyn jáne túsinikteme berýin talap etken. A.Kýdrın sheshim qabyldaý úshin Premer-mınıstr V.Pýtınmen keńesetinin aıtqan.
A.Kýdrın Qarjy mınıstri qyzmetinde 11 jyl 4 aı jumys istedi. Ol ekonomıka máselelerindegi bilikti maman jáne eldiń qarjy naryǵyndaǵy eleýli tulǵa bolyp sanalady. Ol konservatıvtik bıýdjet saıasatyn ustanady jáne memlekettik shyǵyndardy únemdeýdi jaqtaıdy. Sonymen birge ol V.Pýtınniń jaqyn dosy jáne serigi.
