Dmıtrıı Medvedev Elbasyna Qazaqstandy damytý josparlaryn odan ári júzege asyra berýin tiledi

NUR-SULTAN. QazAqparat - Elbasy Reseı Federatsııasynyń Qaýipsizdik Keńesi tóraǵasynyń orynbasary Dmıtrıı Medvedevpen telefon arqyly sóılesti, dep habarlaıdy QazAqparat elbasy.kz-ke silteme jasap.

Dmıtrıı Medvedev Elbasyn mereıtoıymen quttyqtap, zor densaýlyq, qajymas qaırat jáne Qazaqstandy damytý boıynsha josparlaryn odan ári júzege asyra berýin tiledi.

Reseı Qaýipsizdik Keńesi tóraǵasynyń orynbasary Nursultan Nazarbaevtyń Ult Kóshbasshysy mártebesi Qazaqstan men Reseı arasyndaǵy kópjaqty yqpaldastyqty jáne ıntegratsııalyq baǵyttaǵy sabaqtastyqty qamtamasyz etýge zor úles qosýǵa múmkindik beretinin atap ótti.

Elbasy Dmıtrıı Medvedevke jyly lebizderi úshin alǵysyn bildirdi jáne birlesken jumysty, onyń ishinde eki eldiń Qaýipsizdik keńesteri men bıleýshi partııalary – «Nur Otan» men «Edınaıa Rossııa» arqyly jalǵastyrýdyń mańyzdylyǵyn atap ótti.

Telefon arqyly sóılesýge Reseı tarapy bastamashy boldy.