Dmıtrıı Medvedev «Birikken zymyran-ǵarysh korporatsııasy» AAQ basshysyn taǵaıyndady
ASTANA. QazAqparat - RF Úkimetiniń tóraǵasy Dmıtrıı Medvedev № 370-r ókimge qol qoıdy, onda bylaı delingen: «Reseıǵaryshtyń belgilengen tártippen Igor Anatolevıch Komarovty «Birikken zymyran-ǵarysh korporatsııasy» ashyq aktsıonerlik qoǵamynyń bas dırektory qyzmetine saılaý týraly usynysy qabyldansyn».
Bul týraly «Kosmonavtıka jańalyqtary» saıty habarlady.
Osy taǵaıyndaýǵa deıin Igor Komarov Reseıǵarysh basshysy Oleg Ostapenkonyń orynbasary, al odan buryn «AvtoVAZ» bas dırektory boldy.
Sondaı-aq Reseı Úkimeti basshysynyń ókimimen «Birikken zymyran-ǵarysh korporatsııasy» AAQ-ny basqarýǵa memlekettiń qatysýy bekitildi.
«Qabyldanǵan sheshim memleketke ««Birikken zymyran-ǵarysh korporatsııasy» AAQ-ny tıimdi basqarýdy uıymdastyrýǵa múmkindik beredi, oǵan otandyq zymyran-ǵarysh ónerkásibi qyzmetin damytý jáne turaqtylyǵyn qamtamasyz etý jáne onyń kadrlyq áleýetin nyǵaıtý maqsatynda zymyran-ǵarysh salasy kásiporyndarynyń basym bóligin biriktirý josparlanýda», - atap ótilgen RF Úkimetiniń saıtynda ornalastyrylǵan qujatqa anyqtamada.
