Dmıtrıı Hvorostovskıı men Igor Krýtoı elordada kontsert beredi
ASTANA. Shildeniń 5-i. QazAqparat - Búgin elordada Reseıdiń halyq ártisi, opera juldyzy Dmıtrıı Hvorostovskıı men kompozıtor ári ánshi Igor Krýtoıdiń birikken «Deja vıý» kontserttik baǵdarlamasy elordalyqtardyń nazaryna usynylady.
Hvorostovskıı men Krýtoıdyń operalyq mono-shoýy barysynda arııalarmen qatar balladalar, ánder oryndalady. Lılııa Vınogradovanyń sózine jazylǵan I.Krýtoıdyń ánderin oryndaıtyn D.Hvorostovskıı ózi úshin múlde jańa ampýlada óner kórsetetin bolady.
«Ideıa avtory - Dmıtrıı Aleksandrovıch. Bul jerde mýzykaǵa poezııa jazyldy. Tolyq baǵdarlama shyǵarmashylyqtarymyzdyń toǵysýynyń nátıjesinde týyndady», dep atap ótti I.Krýtoı jeksenbi kúni BAQ ókilderine bergen suhbaty barysynda.
D.Hvorostovskıı de óz kezeginde «Deja vıý» joba stıli boıynsha tipti múldem jańa ári erekshe bolatyndyǵyn atap ótti.
«Men úshin bul jumys meniń shyǵarmashylyq ómirimniń tolyq belgisi bolyp tabylady. Men Igormen áńgimelesý arqyly tájirıbeden de mol baqyt, ózime dos, bizderdi biriktiretin 2-3 jylǵa ıe boldym», deıdi ánshi.
Bul eki juldyz ózderiniń birikken baǵdarlamalary úshin 24 kompozıtsııa jazdy. Barlyq ánderi túrli janrda, orys romansynan bastap, qazirgi zamanǵy bı baǵytynda jazylǵan.
Kontsert búgin saǵat 15:00-de elordanyń «Qazaqstan» ortalyq kontsert zalynda ótedi.
