Dmıtrıı Balandın Túrkııa týrnırinde «kúmis» aldy
YSTANBUL. QazAqparat - Túrkııanyń Ystanbul qalasynda júzýden eresekter men jastar arasynda ashyq halyqaralyq týrnır ótip jatyr, dep habarlaıdy QazAqparat Olympic.kz saıtyna silteme jasap.
Bul, qazaqstandyq sportshylardyń Olımpıada aldyndaǵy oqý-jattyǵý jıyndary aıasyndaǵy jarysy.
Onyń nátıjesi boıynsha Qazaqstan quramasy tórt medal jeńip aldy.
Atap aıtqanda, 100 m qashyqtyqta «batterflaı» ádisimen júzý boıynsha Ádilbek Mýsın top jardy. Dmıtrıı Balandın 50 m dıstantsııada kúmiske ıe boldy. Al Ádil Qasqabaı erkin stılde 100 m qashyqtyqta júzý boıynsha tórtinshi orynnan kórindi.
Áıelder arasynda brass boıynsha 50 metrdi Adelına Pchelıntseva birinshi bolyp júzip óttti. Anastasııa Rezvantsev 200 m qashyqtyqta ekinshi orynǵa jaıǵasty. Aıta keterligi, atalǵan jarys 21 naýryzǵa deıin jalǵasady.
