Dmıtrıı Balandın Qytaıdaǵy Shampions Swim Series týrnıriniń ekinshi maýsymyna qatysady
NUR-SULTAN. QazAqparat - 14-16 qańtar kúnderi Qytaıdyń Shenchjen qalasynda Halyqaralyq sý sporty túrleri federatsııasynyń uıymdastyrýymen Champions Swim Series týrnıriniń ekinshi maýsymy bastalady. Týrnırge qatysýshylar arasynda Olımpıada chempıony Dmıtrıı Balandın de bar, dep habarlaıdy Olympic.kz-ke silteme jasap QazAqparat.
Jarysqa qatysýshylar qatarynda olımpıada chempıondary, álem chempıondary men rekordshylar jáne ótken jylǵy FINA reıtıngindegi úzdikter bar.
2016 jylǵy Rıo Olımpıadasynan soń tanymal bolǵan Dmıtrıı Balandın de elıta qataryna endi. Qazaqstandyq sportshy 200 metrge brass ádisimen júzýden synǵa túsedi. Bul qashyqtyqta 2015 jylǵy álem chempıony Markýs Koh (Germanııa), Eýropa chempıony Arno Kammınga (Nıderland) jáne Olımpıada oıyndarynyń kúmis júldegeri Djon Perno baq synaıdy. 200 metrge brass ádisimen júzýden báseke 15 qańtarǵa josparlanǵan.
Týrnırge jalpy esebi 26 memleketten 70 sportshy qatysady.
Aıta ketelik, «Champions Swim Series» týrnıriniń birinshi maýsymynda Balandın 2020 jylǵy Olımpıada oıyndaryna joldama alǵan bolatyn.
