Dmıtrıı Balandın Qytaıda ekinshi «qola» ıelendi
BEIJІŃ. QazAqparat – Qazaqstandyq Dmıtrıı Balandın Qytaıdyń Shenchjen qalasynda ótip jatqan Champion Swim Series týrnıriniń ekinshi jarys kúninde brass ádisimen 200 metrge júzýde 2:13.58 nátıje kórsetip, úshinshi orynǵa ıe boldy, dep habarlaıdy «QazAqparat» HAA menshikti tilshisi.
Birinshi jáne ekinshi oryndar nıderlandylyq Arno Kammınga (2:09.00) men nemis Markýsý Kohqa (2:09.81) buıyrdy.
Champion Swim Series Halyqaralyq sý sporty túrleri federatsııasynyń (FINA) týrnıri jáne Shenchjen qalasynda onyń birinshi kezeńi ótýde. Jalpy júlde qory 1,2 mln dollardy quraıdy.
Champion Swim Series týrnıriniń ekinshi kezeńi 18-19 qańtar kúnderi Beıjińde ótedi.
Buǵan deıin, qazaqstandyq sportshy Dmıtrıı Balandın brass ádisimen 100 metrge júzýden 1:00.55 nátıjesin kórsetip, «qola» ıelengen bolatyn.
