Dmıtrıı Balandın kóliginiń aınasyn urlaǵan kúdikti anyqtaldy
ALMATY. QazAqparat - Almaty polıtsııasy Olımpıada chempıony Dmıtrıı Balandınniń kólik aınasyn urlaǵan kúdiktini anyqtady, dep habarlaıdy QazAqparat tilshisi.
Qalalyq polıtsııa departamentiniń baspasóz qyzmeti habarlaǵandaı, bul derekke baılanysty QR QK 188-baby boıynsha sotqa deıingi tergeý jumystary bastaldy.
«Qalalyq Krımınaldy polıtsııa basqarmasy keshendi tergeý-izdestirý jumystaryn júrgizýde. Syrtqy beınebaqylaý kameralaryndaǵy vıdeo alynyp, urlyq jasaǵan adamnyń jeke tulǵasy anyqtaldy», - dedi Polıtsııanyń resmı ókili Saltanat Ázirbek.
Sondaı-aq, urlanǵan zatty satyp alǵan saýdagerler anyqtalýda.
Krımınaldy polıtsııanyń habarlaýynsha, qylmysker týra sol kúni «Rendj Rover» kóliginiń de aınasyn sheship ketken.
Jalpy Almatyda bıyl urlyq qylmysynyń kórsetkishi ótken jylmen salystyrǵanda 2,4 ese azaıǵan. Osyndaı urlyqtardyń basym kópshiligi izi sýymaı ashyldy. Jyl basynan beri 30 adam ustalyp, 3 qylmystyq top áshkerelendi.
Eske salsaq, QR Іshki ister mınıstriniń orynbasary ıÝrıı Ilın júzýden Olımpıada jeńimpazy Dmıtrıı Balandın kóliginiń aınasyn urlaý faktisi týral aıtqan bolatyn.
