Dmıtrıı Balandın Asia Aquatics uıymynyń basshylyq quramyna endi
ASTANA. KAZINFORM — Olımpıada chempıony jáne Qazaq Aquatics qoǵamdyq uıymynyń bas hatshysy Dmıtrıı Balandın Azııadaǵy sý sporty túrlerin damytýǵa jaýapty qurlyqtyq uıym — Asia Aquatics bıýrosynyń múshesi bolyp taǵaıyndaldy.
Bul sheshim Tokıoda ótken Asia Aquatics kongresinde qabyldandy. Kongreske Qazaqstan atynan «Qazaq Aquatics» RQB prezıdenti Nurlan Jaqypov, bas hatshy Dmıtrıı Balandın, federatsııanyń vıtse-prezıdenti Mırat Ótepov jáne Qýanysh Omarbekov qatysty.
Jańa qyzmette Balandın Azııa sý sporty bıýrosynyń jumysyna qatysyp, kontınenttik deńgeıde sý sportyn damytýdyń negizgi máselelerin talqylaıdy.
Aıta keteıik, 15-17 qazanda Astanada alǵash ret sýda júzýden World Aquatics Swimming World Cup Astana 2026 álem chempıonatynyń kýbogi ótedi. Qazaqstannyń astanasyna álemdik júzý sportynyń jetekshi sportshylary men juldyzdary keledi. Bul kýbok — Baký men Tashkentte ótken jarystardan keıingi Jibek joly týrynyń sońǵy kezeńi.
Eske salaıyq, buǵan deıin Dmıtrıı Balandın Qazaqstannyń sý sporty túrleri federatsııasynyń bas hatshysy qyzmetine taǵaıyndalǵanyn habarlaǵanbyz.
