Dızel otynynyń baǵasy qarashada arzandaýy múmkin
Atalǵan vedomstvo baspasóz qyzmetiniń málimetine qaraǵanda, qyrkúıek aıynda elimizdegi munaı óńdeýshi zaýyttarda 386,5 myń tonna dızel otynyn óndirý josparlanyp otyr.
Belgili bolǵandaı, kúzgi egistik jumystary úshin (shilde-qazan aılarynda) aýyl sharýashylyǵy taýarlaryn óndirýshiler qajettigine basymdyqty tártipte 394,4 myń tonna otyn baǵyttalady. Qyrkúıek aıynda fermelerge qajetti jalpy kólem 126,6 myń tonnany nemese elimizde óndirilgen jalpy deńgeıdiń 32,75 paıyzyn quraıda. Aýyl sharýashylyǵyna kerekti otynnyń baǵasy munaı óńdeý zaýyttarynan tonnasyna 181 myń teńgeni (lıtrine 150 teńge) qurap otyr.
Temirjol arqyly júk aǵynynyń artýyna baılanysty qyrkúıek aıynda 60,4 myń tonna dızel otynyn nemese jalpy óndiristiń 15,62 paıyz kólemin baǵyttaý josparlanýda.
Qazaqstanda óndirilgen dızel otynynyń 3,88 paıyzyn osy aıda taý-ken salasy keshenine jiberiledi dep kútilýde, bul turǵyda 15 myń tonna qarastyrylǵan.
Osy arqyly Qazaqstannyń bólshek naryǵyna qyrkúıekte 184,5 myń tonna otyn nemese el ishinde óndirilgen kólemniń 47,75 paıyzy taralady.
«Sonymen birge, elimiz naryǵy men kórshiles elderdiń shekaralas óńirlerinde dızel otynyna baǵanyń dısparıtetine baılanysty, Qazaqstan aýmaǵy boıynsha tranzıttik avtomobıl júk tasymaldaranyń maýsymdyq ósimi yqpal etýde», - delingen taratylǵan habarlamada.
Suranystyń ósimine oraı, ishki naryqtyń qajettigin qamtamasyz etý úshin qazaqstandyq kompanııalar dızel otynyn ımporttaýǵa májbúr. Reseı men Qazaqstan shekarasynda ımporttyq dızel otynynyń kóterme baǵasy (tasymaldaý men saqtaý shyǵyndaryn eseptemegende) tonnasyna 246 789 teńgege (lıtrine 202 teńge) jetti. Bul óz kezeginde ishki kóterme baǵadan 23 137 teńgege qymbat.
«Dızel otyny baǵasynyń tómendeýi bıylǵy qarashada oryn alady dep kútilýde», - delingen mınıstrlik málimetinde.
